Carauterístiques Morfolóxiques

  • Tiesta: Pequena, perfil siempres reutu nes femes (incluso un migayu cóncavu) ya subconvexu nos marones.
  • Güeyos:Concos salientes, güeyos grandes ya sabichegos.
  • Oreyes: Pequenes ya empobinaes p’ alantre.
  • Focicu: Nes oveyes prietes, dafechu d’esta color, sacante les que son gueifes. Ensin pintes nes blanques, almitiendo dalguna piquinina (xara).
  • Pescuezu: De llonxitú media ya firme, más nos marones que nes nes femes. Presenten a lo llargo del mesmu ya fasta l’arca, bedeyos que-y dan una espresión asemeyada al muflón. Per debaxo la ñucla, apaez la melota, comu se fora la clina, con bedeyos enforma.
  • Tueru: Allongáu. Reutu nes femes, daqué gorrumbu na cruz el marón. Costellar enforma enarquiáu.
  • Pates: Fines, con pezuños pequenos ya duros. Cinquen bien les manes, siendo abondes les que corviyonen.
  • Rau: Curtiu, malapenes-yos allega a los corviyones.
  • Pelleya: Fino. Ensin plegues.
  • Cañáu: Con bon remueyu. Tetos pequenos.
  • Cuerna: Námái que la presenten los marones. La traza ye n’espiral envuelta, percalcada y aspeutu carauterísticu, tayada por riegos tresversales.
  • Pesu: Nes femes permedia en 22 kgs ya nos marones en 33 Kgs.
  • Altor: Femes 55,5cm.; marones 61 cm. (Midíes del castru la Campa Torres 54,8 cm).
  • Color: La color ye prieto, blanco, cardín ya pezo. Les que son prietes puen ser coronistes o moñiralbes, gueifes ya coreyalbes. Al medrar la llana prieto tórnase-yos arroxao.
  • La llana: allega-yos penrriba los corviyones. Presenten frebes de llargor variable. Tirabuzones pequenos. La tiesta apaez enllanada, col rizu pequenu ya pertrupu.
  • La so llana ufre un pesu de 1,05 Kg nes femes ya 1,71 kg de máximo nos marones.